NBA-Одлична ноќ за стрелците (ВИДЕО)

487

Најинтересното од синоќешните натпревари.

Поентерите беа расположени за поени, а најмногу беше расположена ѕвездата на Далас Маверикс. Лука Дончич постигна 50 поени на гостувањето во Хјустон а неговиот тим победи со 112:106. Во дуелот помеѓу ривалите од Тексас, Дончич успеа да зграби и 10 скокови и 8 асистенции и продолжи со фантаситичните игри сезонава.

Тајрис Халибартон и Индијана Пејсерс гостуваа во Мајами а младиот бек го одигра натпреварот на кариерата.
Халибартон постигна 43 поени (од кој 10 тројки) и 7 асистенции во тесната победа од 111:108 за “Пејсерси” на гостувањето на Флорида.

Ар-Џеј Берет имаше своја шутерска ноќ во “Медисон Сквер Гарден”.
Канадскиот репрезентативец постигна 44 поени но, ни тоа не помогна во тесниот пораз од 118:117 против Чикаго Булс.

Одличен натпревар одигра и Џејмс Харден кој по повредата која го одалечи од теренот повеќе од еден месец, се враќа во посакуваниот ритам.
Харден оствари “трипл-дабл” со 20 поени, 11 скокови и (рекордни во кариерата) 21 асистенција за победа на Филаделфија против Лос Анџелес Клиперс со 119:114.

NBA FAN
Димитар Младеновски