Пред нас е нова сезона во најквалитетно европско натпреварување, Евролигата.
Во текот на летниот преоден рок бевме сведоци на многу промени и драстични поместување во ростерите на (скоро) сите екипи. За прв пат ќе бидеме сведоци на толкав број на епски ривалства кога ќе се судрат најдобрите од Шпанија, Турција, Србија, Италија и Германија. Пред официјалниот старт на натпреварите се поставуваат многу прашања.
Дали актуелниот шампион, Анадолу Ефес ќе успее трет пат по ред да го одбрани тронот и да достигне нешто кое се нема случено во последните 30 години?
Може ли Фенербахче по разочарувачката сезона, со комплетно нов состав да се врати помеѓу 4-те најдобри во Европа?
Колку Белградските великани, Партизан и Црвена Ѕвезда се спремни да им ги поматат плановите на фаворитите?
Дали поранешниот шампион, Реал Мадрид има доволно напаѓачки арсенал за превземање на престолот?
Може ли Барселона да го врати стариот сјај?
Како Макаби, Олимпија Милано и Жалгирис планираат да се вратат на победничките патеки?
Кој од грчките лути ривали, Олимпијакос И Панатинаикос ќе успее да ја добие меѓусебната војна?
Останува да видиме што ќе се случи но, едно е сигурно.
Не очекува возбудлива сезона.
Димитар Младеновски
