Леброн Џејмс стигна до второто место на вечната листа на најдобри стрелци во историјата на NBA.
На синоќешното гостување во главниот град, Џејмс постигна 38 поени поминувајќи го Карл Мелоун. И покрај рекордната вечер на “кралот” неговиот тим на крајот беше поразен од Вашингтон Визардс со 127:119. Единствено Карим Абдул-Џабар се наоѓа на листата на стрелци пред Леброн Џејмс.
Легендарниот центар на “лејкерси” има 38.387 поени а Леброн 36.939 поени. Доколку продолжи со исто темпо голема е веројатноста Џејмс во блиска иднина да ја завземе и првата позиција. Му недостасуваат само нешто над 1.400 поени, што претставува достижна цел за еден од најголемите кошаркари на сите времиња.
NBA FAN
Димитар Младеновски
