NBA-Далас се избори за мајсторка

68

Далас и Феникс ја продолжија својата борба и за конечен триумф ќе биде пресудна решавачката битка.

Рано сабајлево, “мавси” на свој терен извојуваа голема победа од 113:86 и ја израмнија серијата на 3:3. Уште на полувремето “сонцата” беа во минус од 15 поени а до крајот на натпреварот беше се повеќе јасно дека ќе не очекува седми и решавачки меч за пласман во конференциското финале.

Лука Дончич беше водечки со дабл-дабл ефект постигнувајќи 33 поени и 11 скокови. Бековскиот тандем Реџи Булок и Џејлен Брансон даде полн придонес со 19 и 18 постигнати поени. Решавачкиот седми натпревар се игра за два дена од сега.

NBA FAN

Димитар Младеновски