НБА колумна на Димитар Младеновски – Phoenix Suns (1992-1993)

0
112

Приказна за еден исклучително интересен тим кој вреди да се запамети. Шампионски кандитат со одлични играчи на секоја позиција. Супер ѕвезди и долга клупа. По иницијатива на мојот пријател Кочо Фунду следи кратка анализа на најжешкиот тим од Аризона, “сонцата” од Phoenix кој за влакно не успеа да ги детронизираат најдобрите.

Предсеозна:

Во својата 25-та сезона по формирањето управата на тимот успева да го донесе (за многумина) најмоќното ниско крило во 90-тите (SIR) Charles Barkley преку трампа од Philadelphia 76-ers. Го потпишуваат Danny Ainge (исклучително благодарен играч, борец и денешен човек број 1 во управатa на Boston Celtics). Веќе го имаат еден од нај екслплозивните бекови во лигата All-Star бекот Kevin Johnson a како back-up варијанта во тимот пристигнуваат искусниот Frank Johnson, центарот Oliver Miller (преку драфтот) како и поранешниот All-Star играч Tom Chambers (како повратник во старото јато). Овој тим веќе има уште еден All-Star играч и Олимпиец во Dan Majerle, експлозивен млад поентер во aтрактивниот Cedric Ceballos како и прекален ветеран во центарот Mark West. Richard Dumas е уште еден играч кој сезоната беше повеќе од пријатно изненадување. Водени од одличен тренерски состав на чело со поранешниот играч на Suns-и Paul Westphal, Phoenix сезоната ја започнува исклучително силно.

Регуларен дел на сезоната (1992-1993):

Сезона во која имаат нов изглед (нови дресови) и играат во нова арена (America West Arena) Suns-и ја имаат најдобрата сезона во нивната клубска историја – посебно кога се говори за убавината во играта и атомската кошарка на која бевме сведоци. Почнуваат со 21 победа (и само 4 порази) во првите 2 месеци и не застануваат со забрзано темпо до крајот. Година во која нивното најголемо засилување Charles Barkley е избран за најдобар играч – МVP на сезоната.

Phoenix Suns сезоната ја завршува со скор 62-20 и заслужува прво место во NBA како и фаворити во playoff-от кој им предстои. Tимот го краси брза но тактички спремна игра во нападот како и дисциплина. Хемијата меѓу играчите делуваше импресивно имајќи во предвид дека ова беше само прва сезона на овој тим со овој ростер. Борбата за титулата само што започнува.

1992-1993 NBA PLAY-OFFS:

Одкако во првото коло се вратија по дефицит од 0-2 и победија (со 3-2) против Los Angeles Lakers следуваа страотно силни борби во полуфиналето и финалето на Западната Конференција. Најпрво Suns-и ги елиминираа San Antonio Spurs со 4-2 a потоа во решавачки 7-ми меч за влез во финалето ги елиминираат Seattle Super Sonics (со Payton и Kemp) за конечни 4-3 во победи.

Следува финале против Michael Jordan, Scottie Pippen и веќе 2-кратниот шампион Chicago Bulls – кој како фаворит во финалето итаат кон трета титула по ред. Во финалната пресметка која претставуваше класика на два тима гладни за тронот и подеднакво жедни за докажување на своето место помеѓу “бесмртните”, Phoenix Suns го положува оружјето но не и без борба до самиот крај. Доколку се погледнат натпреварите во Финалето ’93 на дело ке се види со кој жар, борба и агресивност се играше во тој период во NBA лигата. Кошарката беше на високо ниво со многу повеќе физички дуели но ни за грам не може да стане збор дека поради тоа страдал квалитетот или убавината на оваа магична игра. 

Suns-и загубија со 2-4 од актуелните шампиони меѓутоа покажаа како еден тим со тренер дебитант, како и изменет состав може да се носи со најдобрите во тоа време. За нивниот најдобар играч “SIR” Charles Barkley во оваа приказна има премалку место за да се каже се. За него ке имаме посебна колумна 🙂

NBA FAN

Димитар Младеновски

ОСТАВЕТЕ ОДГОВОР

Please enter your comment!
Please enter your name here