Едисон Кавани на крајот од сезоната ќе го напушти “Олд Трафорд”.
На уругваецот му истекува актуелниот договор со “црвените ѓаволи” а повеќе од сигурно е дека нема да му биде понудено продолжување на истиот. Според пишувањата на “Газета дело спорт” се очекува враќање на “Матадорот” во Сериа А.
Претседателот на Фиорентина, Роко Комисо е решен да направи силен тим посебно доколку “лилаковите” изборат пласман во Лига Европа. Во моментов се наоѓаат на седмата позиција на табелата и се во борба со Аталанта околу евентуалниот пласман во квалификациите на второто најсилно европско натпреварување.
Комисо е решен да го доведе токму искусниот Кавани а за истото е спремен да понуди 4 милиони евра по сезона. За очекување е 35 годишниот напаѓач веднаш да ја прифати оваа примамлива понуда.
Кавани во Италија настапуваше за Палермо и за Наполи од каде во 2013 година премина во Парис Сен-Жермен.
Димитар Младеновски
