NBA-“Сонцата” со пеколен офанзивен арсенал (ВИДЕО)

232

Феникс пружи страшен офанзивен арсенал и по втор пат го порази Денвер, поведувајќи со 2:0 во полуфиналната серија во Западната конференција. “Сонцата” водеа од самиот старт на натпреварот и извојуваа огромна победа од 25 поени разлика (конечни 123-98).Крис Пол беше вистински организатор на играта, како и во текот на целата сезона. Постигна 17 поени и 15 асистенции. Првиот стрелец на тимот, Девин Букер, повторно го предводеше тимот со 18 поени. Феникс имаше многу расположени кошаркари за игра. Микел Бриџис постигна 16 а центарот Диандре Ејтон дабл-дабл учинок од 15 поени и 10 скокови. Единствен кој беше на висината на задачата на спротивната страна беше новокрунисаниот MVP, Никола Јокич со учинок од 24 поени и 13 скокови.

NBA FAN

Димитар Младеновски