Одличен и возбудлив меч се одигра синоќа во “Американ Ерлајнс” центарот. По фуризоната последната четвртина домаќинот Далас го скрши отпорот на еден од најжешките тимови во лигата. Конечни 125-124 за “мавси”. Вашингтон во натпреварот влезе со 8 победи по ред.
И покрај одличната игра на “волшебното бековско дуо” на гостите од главниот град, тоа не беше доволно за триумф. Првиот стрелец во првенството, Бредли Бил постигна 29 поени а Расел Вестбрук беше на чекор до трипл-дабл ефект со уште една монструозна партија (42 поени, 10 скокови и 9 асистенции).
За домаќините магична партија на Лука Дончич. Словенечкиот суперстар имаше масивен трипл-дабл учинок од 31 поен, 12 скокови и неверојатни 20 асистенции. Следен беше од Макси Клебер со 17 и Тим Хардавеј Јуниор со 16 поени.
NBA FAN
Димитар Младеновски
