Веќе подолг период, неколку кошаркари се на излезна врата од своите тимови.
Овој пат, се споени во пакет. Добро е познато дека Лос Анџелес Лејкерс по секоја цена сака да се ослободи од Расел Вестбрук и неговиот богат договор кој прави тежок за преселба. Најдобриот играч на Јута Џез, Донован Мичел е се поизвесно дека наредно првенство ќе го започне со нов тим. Њу Јорк Никс е необично тивок засега, а најверојатно ќе се надоврзе во нова мега трампа која ќе ги вклучи Jута и Лос Анџелес Лејкерс.
Според информациите кој пристигнуваат од “Hoops hype”, Мичел би се преселил во “големото јаболко”, Вестбрук би завршил во Солт Лејк Сити а кај “лејкерси” би пристигнале Џордан Кларксон, Петрик Беверли и Бојан Богданович. “Џезерите” во оваа комплексна трампа би го добиле и Емануел Куикли од Њу Јорк, како и 6 идни избори на драфтот во првата рунда.
До почетокот на наредната сезона има повеќе доволно време и речиси со сигурност очекуваме нови промени кој видно ќе ја променат сликата во најсилната светска лига.
NBA FAN
Димитар Младеновски
