Голден Стејт Вориорс и Мемфис Гризлис одиграа возбудлив втор натпревар во меѓусебната серија.
Овој пат, младите “гризли мечки” го возвратија ударот победувајќи со 106:101 и израмнувајќи на 1:1. Прво име на мечот беше Џа Морент кој имаше блескава ноќ постигнувајќи 47 поени, 8 асистенции и 8 скокови. Младата ѕвезда го израмни рекордот во кариерата кога се работи за плејоф натпреварите. Домашната публика беше воодушевена од претставата на својот миленик.
По двата меча во Тенеси серијата се сели во Калифорнија каде “воините” како домаќини ќе се обидат да ја искористат предноста пред своите фанови.
NBA FAN
Димитар Младеновски
