Од синоќешната NBA програма го издвојуваме гостувањето на Лос Анџелес Лејкерс во Мемфис.
Во исклучително интересен и неизвесен меч, домаќините победија со 104-99. Џа Морент одигра фантастичен меч, постигна 41 поен и зграби 10 скокови. Уште пред мечот, ветеранот Кармело Ентони за Морент изјави дека токму тој е “иднината на лигата”.
Мемфис имаше негатива од 14 поени која успеа да ја анулира во второто полувреме и да стигне до својата 22-ра победа сезонава.
Леброн Џејмс (кој игра во неверојатен ритам) повторно беше најсветла точка во “градот на ангелите”. Постигна импресивен дабл-дабл учинок со 37 поени и 13 скокови. Денес полни 37 години. Ова е шести меч по ред на кој “кралот” ја надминува границата од 30 поени. Од тие шест “лејкерси” загубија во пет мечеви.
NBA FAN
Димитар Младеновски
