Од синоќешната NBA програма го издвојуваме најинтересниот натпревар.
Далас го пречека Портланд во меч кој се одлучуваше во последната минута. Домаќините извојуваа победа од 117:112. Лука Дончич по двата натпревари во кој не беше во свој елемент, синоќа пружи фантастична претстава. Словенечката ѕвезда оствари “трипл-дабл” учинок составен од 43 поени, 13 скокови и 10 асистенции но, за разлика од претходно овој пат доби несебична помош од своите соиграчи.
Спенсер Динуиди постигна три тројки во последните 3 минути од натпреварот за вкупно 20 поени, а Кристиан Вуд реализираше 19 поени. За гостите од Орегон, Џереми Грент повторно имаше одлична поентерска ноќ постигнувајќи 37 поени, следен од Демиен Лилард кој реализираше 29 поени и 12 асистенции.
И покрај поразот, Портланд се наоѓа на делба на втората позиција (заедно со Мемфис) со скор 9-4, додека Далас е на петото место со биланс 7-5.
NBA FAN
Димитар Младеновски
