Еден од најдобрите бековски тандеми во последните 10 години е раздвоен.
Си Џеј МекКалум го напушта Портланд, и неговиот голем пријател Демиен Лилард. “Блејзерси” го трампаат бекот од Охајо, во Њу Орлеанс Пеликанс. Заедно со МекКалум во Луизијана пристигнуваат и центарот Лери Ненс (јуниор) како и Тони Снел.
Во спротивен правец доаѓаат тројца кошаркари. Џејсон Харт, чехот Томас Саторански и перспективниот плејмејкер Никел Александар-Вокер од денес ќе го носат дресот на тимот од Орегон. Портланд од овој дил ќе добие и четири идни пикови на наредните драфтови од кој две од првата а две од втората рунда.
Ова е втора размена во рок од 5 дена за Портланд, откако се ослободија од Нормал Пауел и Роберт Ковингтон а ги добија Ерик Бледсо, Џастис Винслоу и Кион Џонсон. Портланд има серија од пет порази по ред и е се подалеку од плејоф-от. За очекување се уште промени во играчкиот ростер, во брзо време.
30 годишниот бек шутер ја игра својата 9-та NBA сезона. Од почетокот на кариерата беше во дресот на Портланд. “Блејзерси” го избраа како 10-ти пик на драфтот 2013 година. Беше добитник на наградата за играч со најголем напредок во сезоната 2015-2016. Во последните седум години, редовно постигнува над 20 поени по натпревар.
NBA FAN
Димитар Младеновски
