Откако актуелниот шампион Милвоки Бакс беше елиминиран, неколку часа подоцна и “вицешампионот” ја заврши сезоната.
Феникс Санс и покрај најдобриот скор во NBA, рано сабајлево е исфрлен во решавачкиот седми меч од страна на Далас Маверикс. Гостите од Тексас доминираа во текот на целиот натпревар и на крајот извојуваа огромна победа од 123:90 за конечни 4:3 во победи.
Доминацијата на Далас ја предводеше Лука Дончич со 35 постигнати поени. Сјајна игра пружи двоецот бекови Спенсер Динуиди и Џејлен Брансон, кој постигнаа по 30 и 24 поени. Најдобриот играч во историјата на франшизата, Дирк Новицки беше присутен во салата и даде дополнителен мотив за сјајната претстава на “мавси”. “Сонцата” беа непрепознатливи во најважниот натпревар оваа сезона и сосема заслужено го завршија својот плејоф пат.
Во финалето на западот, Далас го очекува нова интересна серија со Голден Стејт Вориорс кој важи за фаворит во меѓусебниот дуел.
NBA FAN
Димитар Младеновски
