Нотингем Форест продолжува со засилувањата за следната сезона.
Повратникот во Премиер лигата, донесе петти нов фудбалер. Станува збор за довчерашниот играч на Бајерн Минхен, Омар Тајлер Крофорд Ричардс. 24-годишниот англичанец кариерата ја започна во Ридинг во 2017 година а лани се пресели во “Бундес лигата” каде не доби премногу шанса за игра и настапи на само 12 натпревари. Ричардс потпишува 4 годишен договор а е доведен за сума од 10 милиони евра. Неговите родители се од Јамајка, а тој е роден и израснат во Англија за која и настапуваше за младинската репрезентација.
Нотингем претходно ги донесе голманот Дин Хендерсон (на позајмица од Шефилд Јунајтед), десниот бек Жилиен Бјанконе од Троја како и централниот бек Муса Ниакате од Мајнц. Најскапиот трансфер во овој преоден рок беше доведувањето на напаѓачот Таиво Авонији од Унион Берлин, за кого платија речиси 21 милион евра.
Димитар Младеновски
