Поранешниот премиер на Бугарија и наследник на бугарскиот царски престол, Симеон Сакскобурготски, за македонско-бугарскиот спор вели дека многу од историските теми треба да им се препуштат на историчарите, а политичарите да се насочат кон практичните прашања и кон членството на Македонија во Европската Унија.
Како што пренесува „Актуално“, Сакскобурготски изјавата за медиуми поврзана со Македонија ја дал во Брисел, каде, како што претходно откри, случајно се сретнал со македонскиот премиер Христијан Мицкоски.
– Вчера случајно се сретнав со премиерот и ми беше многу драго. Мислам дека дијалогот во секој поглед е позитивен. Добрососедските односи се само во корист на сите. Треба да вложуваме напори. Пак ќе кажам нешто можеби политички некоректно. Сметам дека многу теми би требало да ги следат и разгледуваат историчарите, а ние да гледаме напред, кон практичното и кон влегувањето на Македонија во ЕУ – рекол Сакскобурготски.
Сакскобурготски ја извршуваше функцијата премиер во 2007 година, кога Бугарија беше примена во Европската Унија.












![[ВИДЕО] Се урна српски воен авион: Црн дим и оган на местото на падот](https://www.mkvesti.mk/wp-content/uploads/2026/11/5yRi7-8-218x150.png)

![[ВИДЕО] Петмина загинати, а 10 сериозно повредени во масовни верижни судири на бугарски автопат](https://www.mkvesti.mk/wp-content/uploads/2026/11/bugarija-nesreka-218x150.jpg)





















