Во синоќешната богата NBA програма бевме сведоци на апсолутна доминација на кошаркарите од бившите “Ју” простори.
Никола Јокич имаше монструозен трипл-дабл учинок, сочинет од 49 поени, 14 скокови и 10 асистенции водејќи го својот Денвер до победа над Лос Анџелес Клиперс по продолжението од 5 минути со 130-128. На спротивната страна младиот хрватски центар Ивица Зубац, постигна 32 поени и 10 скокови заокружувајќи ја една од најдобрите средби во неговата кариера.
Во тесен натпревар Далас го победи Торонто (102-98) благодарение на маестралната партија на Лука Дончич кој постигна 41 поен + 14 скокови и 7 асистенции.
Јута загуби од Хјустон (116-111) но, воодушеви хрватскиот интернационалец Бојан Богданович кој беше прв стрелец кај домаќините постигнувајќи највисоки 29.
NBA FAN
Димитар Младеновски
