Новата година само што започна а веќе имаме едно фантастично поентерско достигнување.
Рано утрово Кливленд Кавалирс го пречека Чикаго Булс.
Во ултра ефикасен натпревар “Кавси” победија со 145:134, по продолжението од 5 минути. Донован Мичел постигна неверојатен 71 поен!
Фантастичната претстава на популарниот “Спајда” претставува најмногу поени во овој век по Коби Брајант кој постигна 81 поен во 2006-та година.
Мичел погоди 22 од 34 обиди од игра, зграби 8 скокови и реализира 11 асистенции. Постигна 7 тројки и 20 слободни фрлања. Воедно, ова претставува и рекорд за франшизата од Охајо. Досегашниот рекорд го делеа Леброн Џејмс и Кајри Ирвинг со по 57 постигнати поени.
Мичел претставува седмиот играч во историјата на NBA што ја надминува границата од 70 постигнати поени. Пред него тоа го имаат постигнато: Вилт Чембрлен, Коби Брајант, Дејвид Робинсон, Елџин Бејлор, Дејвид Томсон и Девин Букер.
NBA FAN
Димитар Младеновски
