Навивачите на Челзи, утрово ги воодушеви новата фотографија на која се потврдува големиот трансфер.
По долги преговори, дефанзивецот Калиду Кулибали (конечно) се пресели од Наполи во Челзи. Репрезентативецот на Сенегал е официјално нов играч на “сините” од Лондон. По поминувањето на лекарските прегледи, тој позираше во новиот дрес и веднаш му се приклучи во тимот за престојната турнеја во САД. Тимот од “Стемфорд бриџ” ги започнува подготовките за наредната сезона “преку барата”.
31-годишниот дефанзивец потпишува петгодишен договор и ќе заработува 10 милиони евра годишно. Во Наполи помина 8 години а претходно настапуваше во француски Мец, и белгиски Генк. Италијанскиот клуб од овој трансфер ќе добие оштета од 40 милиони евра.
Димитар Младеновски
