Италијанската фудбалска легенда, Џанлуиџи Буфон потпиша нов договор со Парма до 2024 година.
“Џиџи” не размислува за пензија, а потенцира дека ќе ја одработи соработката со “млекарите“ до крајот и може пак да ја продолжи во иднина.
“Можам да се пензионирам на 55 години. Минав десет години во Парма и уште дваесет во Јувентус. Веќе десет години размислувам за пензија, ама секогаш продолжувам понатаму.“ – изјави Буфон.
Легендарниот голман има 44 години, а минатата сезона (во вториот дел од сезоната) во Парма играше заедно со македонската фудбалска легенда, Горан Пандев.
Димитар Младеновски
