Милан е пред потпис со силен дефанзивец.
Џафет Танганга од Тотенхем е пред премин во шампионот на “чизмата”. Според италијанските медиуми преговорите за негов ангажман се одвиваат во посакуваното темпо. Нема да биде никакво изненадување доколку наскоро и официјално биде претставен како нов адут во одбраната на “росонерите”.
Дваесетитри-годишниот Анличанец не е во планот на тренерот Антонио Конте. Според информациите кој пристигнуваат од Лондон, тој веќе ги договорил личните услови и останува уште двата тима да се договорат каква би била позајмицата. Тотенхем сака во договорот да има и обврска за купување на играчот по една успешно одиграна сезона.
Доколку се реализира трансферот на Танганга тој ќе биде втор играч кој ќе го засили Милан на стоперската позиција од Премиерлигата. Таков беше случајот со Фикајо Томори. Томори кој во минатото ги бранеше боите на Челзи, помина полусезона на позајмица во дресот на Милан, а пред ланската сезона и официјално потпиша траен договор со гигантот од Милано.
Димитар Младеновски
