Лос Анџелес Лејкерс и Бостон Селтикс одиграа драматичен и неизвесен натпревар.
Во дуелот помеѓу најтрофејните NBA тимови, регуларните 48 минути игра не беа доволни за да се реши победникот. По продолжението од 5 минути, гостите од Масачусец извојуваа голема победа од 122:118.
И покрај тоа што беше најдобар стрелец во составот, Ентони Дејвис беше трагичар на мечот откако промаши две слободни фрлања на крајот од регуларниот дел. Дејвис постигна 37 поени а Леброн Џејмс 33 поени но, ни тоа не беше доволно за домашен триумф. Џејсон Тејтум беше најдобар играч на натпреварот со 44 поени, а поддршка доби од Џејлен Браун кој реализираше “дабл-дабл” сочинет од 25 поени и 15 скокови.
На 4 минути до крајот, “Лејкерси” имаа 13 поени предност но, тогаш Бостон покажа зошто е најдобриот тим во NBA. Најпрво фуриозно се вратија во мечот, а потоа ги постигнаа првите 12 поени во продолжението со што ја запечатија победата.
Со новиот триумф, “келтите” се првопласирани во целата лига со скор 22-7.
NBA FAN
Димитар Младеновски
