Тренинг центарот на Наполи во Дамаро беше претесен да го види тимот на Карло Анчелоти и новајлиите Манолас и Елмас. Македонскиот репрезентативец со аплаузи и овации од трибините беше дочекан кога се појави на тревникот. Нашиот „бисер“ го носи дресот со број 12 на неофицијалните дресови на Наполи.
Фудбалерите на Наполи ремизираа на пријателската средба против Кремонезе. Можност за деби доби нашиот Ељиф Елмас кој првпат го облече дресот и заигра за калчолигашот.
Тренерот Карло Анчелоти беше задоволен од неговото издание и за него по мечот изјави:
„Елмас ќе ни донесе квалитет во средниот ред. Тој е среќен што е тука и тоа е најважно за нас. Зборуваме за модерен фудбалер кој ќе придонесе многу во веќе изградена и квалитетна екипа“ , рече Италијанецот.
19-годишникот влезе во игра во вториот дел и одигра 20-ина минути.
