Брзиот начин на живот и големиот број на обврски некогаш знаат да ги скратат нашите задоволства, па тешко е секојдневно да се практикува медитација или јога. Токму затоа погледнете ги овие јога вежби кои траат околу 10-тина минути. Благодарение на нивната помош ќе можете да го започнете Вашиот ден со леснотија и со позитивна вибрација.

Поза 1: Дете или “Balasana”

Клекнете, доведете ги рацете кај колkовите, а челото допрете го до подот доколку ви е поудобно дланките можете да ги поставите под челото. Земете бавен, полн здив низ Вашиот нос и забележете како Вашиот граден кош заедно со ребрата се проширува, внимавајте воздухот да го издишете исто така преку носот.

Совет:

Препорачливо е да направите од 5 до 10 вакви вдишувања и издишувања.

Поза 2: Мачка/ Крава поза или “Bidalasana”

За оваа вежба потребно е да се исправите и да направете „мост“ со вашето тело така што ќе се држите на колената и на рацете. Притиснете со дланките силно на земјата за да се бидат вашите рамења раширени. Како што ќе вдишувате, погледнувајте пред вас или нагоре кон таванот доколку ви е удобно на вратот. Додека издишувате обидете се да допрете со брадата на вашите гради. Продолжете со ова движење така што ќе му дозволите на дишењето да ве води и на тој начин ќе се чувствувате како да ви го масираат грбот. Обидете се да ги држите лактите постојано свртени кон надвор за да ги заштитите вашите зглобови од притисокот.

Совет:

Повторете ги движењата барем 5 пати или подолго доколку чувствувате дека имате потреба.

Поза 3: Надолно куче или “Adho Mukha Svanasana”

Поставете ги дланките малку пошироко од ширината на вашите рамења, застанете на прсти и подигнете се во воздух. Движете го градниот кош надоле кон бутините и одржувајте ја главата опуштена, а рацете исправени. Движете ги рамењата оддалечени од ушите, одржувајте ги колената свиткани и почнете да притискате со петите надолу, една по една. Запомнете, многу е поважно да ги одржувате колковите високо, отколку да допирате со целото стапало на земјата.

Совет:

За оваа вежба се препорачува да се прават од 5 до 10 вдишувања, но дозволиво е и повеќе доколку чувствувате дека имате таква потреба.

Поза 4: Наведнување нанапред од стоечка позиција “Uttanasana”

Спојте ги рацете со вашите нозе и опуштете го вашето тело. Главата и вратот исто така треба целосно да ви бидат опуштени, а колената свиткани кога ќе почнувате. Доколку нема притисок во вашиот грб, можете да почнете да ги исправувате нозете. При издишувањето полека движете ја главата кон вашите стапала.

Совет:

За оваа вежба доволни се само 10 вдишувања и веднаш ќе се почувствувате како да сте повисоки.

Поза 5: Триаголник “Trikonasana”

Од стоечка позиција, раширете ги вашите нозе и свртете се на страна, а притоа внимавајте петата да ви биде во иста линија со средината на левото стапало. Поставете ги рацете паралелно со земјата и потоа посегнете кон десната страна така што ќе ги одржувате и двете нозе исправени. Градниот кош треба да ви остане отворен, а торзото затегнато. Доколку можете и имате доволно рамнотежа, насочете го погледот кон вашиот палец на ногата.

Совет:

За оваа вежба практикувајте до 5 вдишувања на едната и уште 5 вдишувања на другата страна.