Поранешниот македонски кошаркарски репрезентативец и прв Македонец кој заиграл во НБА лигата, Перо Антиќ, ќе биде нов претседател на Македонската кошаркарска федерација.
Македонската кошаркарска федерација ќе добие нов предводник во името на Перо Антиќ по денешното гласање на Изборното собрание кое се одржа во Скопје.
Перо Антиќ беше единствениот официјално пријавен кандидат на изборите и ја доби довербата на делегатите, па ќе ја води македонската кошарка во следните четири години.
На заседанието, присутни беа 29 делегати кои едногласно ја прифатија кандидатурата на Перо Антиќ и го избраа за нов претседател на МКФ, односно Кошаркарската федерација на Северна Македонија.
