На интернет се појави видео на кое може да се види како рускиот ловец-бомбардер од типот „Су-34“ ја испушта најмоќната бомба со која што располага руската армија.
Станува збор за бомба тешка 1.500 килограми наречена „КАБ-1500“. Оваа бомба се користи за уништување на утврдени цели, односно пробивање на бетонски бункери и згради.
Иако не е познато каде точно е извршен нападот, од руското министерство за одбрана потврдија дека оваа бомба била користена за уништување на терористичките цели во Сирија во 2015-та и 2017-та година од страна на руското воено воздухопловство.
