Партизан продолжува со нови засилувања.
По пристигнувањето на Данте Егзум, “црно/белите” доведоа уште еден играч со NBA искуство. Станува збор за 32-годишното крило Џејмс Нанали. Во совојата кариера има настапено за 37 натпревари во најелитното кошаркарско натпреварување во дресот на Атланта, Филаделфија, Минесота, Хјустон и Њу Орлеанс.
Претходно американецот има настапувано за Естудијантес, Авелино, Фенербахче, Олимпија Милано, а од тимот на Макаби Тел Авив пристигнува во Белград. Ланската сезона беше избран за најкорисен играч во куп натпреварувањето на Израел а во 2016-та година беше избран за МВП на сезоната носејќи го дресот на Авелино (Фелис Скандоне) во италијанското првенство.
Тренерот Жељко Обрадович веќе соработуваше со Нанали во дресот на Фенербахче. Заедно ја освоија Евролигата во 2017-та година.
Димитар Младеновски
