Младите гризли мечки ја потврдија прекрасната сезона која ја имаат.
На синоќешниот дуел со Њу Орлеанс Пеликанс, Мемфис извојува висока победа (141:114) и ја потврди втората позиција во западот како и во целата лига. Со 56-от триумф годинава, “гризлис” стигнаа до нов тимски рекорд. Во третата четвртина тимот од Тенеси постигна 55 поени што е уште еден тимски рекорд.
Токму пред престојниот плејоф се врати лидерот Џа Морент кој постигна 21 поен и 9 асистенции. Неговиот тимски колега и голем пријател, Дилон Брукс беше прв стрелец со 23 поени а перспективниот дебитант Заир Вилијамс постигна 19 поени.
Мемфис е едно од најпријатните изненадувања сезонава. За очекување е да бидат незгоден противник во доигрувањето каде очекуваат длабок продор.
NBA FAN
Димитар Младеновски
