Од синоќешната NBA програма го издвојуваме дуелот помеѓу Милвоки Бакс и Њу Орлеанс Пеликанс.
Поранешниот шампион го пречека младиот тим од Луизијана кој настапи без Зион Вилијамсон и Брендон Инграм. Домаќините тоа го искористија на најдобар можен начин. “Бакси” веќе во првата четвртина обезбедија 19 поени предност и доминираа до крајот на натпреварот за конечна победа од 135:110.
Јанис Антетокумпо имаше одлична вечер. Грчкиот репрезентативец постигна 50 поени со фантастичен процент на реализација од поле со над 70%, а зграби и 13 скокови.
Поимпресивно делува податокот дека Јанис ова поентерско достигнување успеа да го постигне за само 30 минути поминати на паркетот.
Милвоки стигна до својата четврта победа по ред и се наоѓа на третата позиција на Истокот со 33 победи и 17 порази.
NBA FAN
Димитар Младеновски
