Најинтересното од синоќешната NBA програма.
Чикаго Булс го запра најдобриот тим во лигата.
“Биковите” ја прекинаа триумфалната серија на “Селтикси” (кој имаа 9 победи по ред) со победа во “Јунајтед центар” со 121:107.
Шест играчи на Чикаго имаа двоцифрен број на поени, а водечки беше ѕвездениот бековски тандем Демар Дерозан со 28 поени и Зек Лавин со 22 поени.
Њу Јорк Никс и се омазди на Оклахома Сити Тандер за поразот на свој терен, од пред 10 денови.
“Никси” триумфираа на гостински терен со 129:119.
Џејлен Брансон имаше сјајна претстава постигнувајќи 34 поени и 9 асистенции а огромна помош доби од Џулиус Рендл и Ар-Џеј Берет кој постигнаа по 25 поени.
Голден Стејт Вориорс гостуваше во Луизијана, против Њу Орлеанс Пеликанс.
Актуелниот шампион настапи без Стеф Кари и Клеј Томсон, а тоа резултираше со резултатска катастрофа. “Воините” загубија со 45 поени разлика (83:128).
Брендон Инграм беше најрасположен на мечот со 34 постигнати поени.
Кливленд и Атланта се судрија во борба за третата позиција во Источната конференција.
“Кавси” излегоа како победници со 114:102.
Балансираниот напад на домаќините беше клучен за успехот. Поентерски лидер беше Донован Мичел со 29 поени, следен од Дариус Гарланд со 26 поени и Чеди Осман со 23 поени.
NBA FAN
Димитар Младеновски