Како што објавија медиумите во Грција, Олимпијакос постигнал договор со плејмејкерот на Црвена Ѕвезда, Коди Милер-Мекинтајер. Иако се говореше дека искусниот 32-годишен Американец ќе остане во Белград, импресивните услови го селат во Атина.
Тој се согласил на договор со грчкиот гигант за 2+1 сезони. Треба да заработува околу два милиони евра годишно. Во текот на сезоната, имаше просек од 12,6 поени, 7,4 асистенции, 4,5 скока и една украдена топка по натпревар. Фактот дека ги одигра сите 38 натпревари во елитното натпреварување звучи особено импресивно, со што се потврдува неговиот квалитет и континуитет во текот на целата сезона.
Покрај Милер-Мекинтајер, бековската линија ќе ја засили Жан Монтеро, едно од откритијата на сезоната во Евролигата, учесник во фајналфорот со Валенсија. За доминиканскиот репрезентативец беа заинтересирани и NBA тимови, но тој реши да му се приклучи на Европскиот шампион.
