Лори Марканен (сосема заслужено) ја освои наградата за играч со најголем напредок оваа сезона.
Финскиот репрезентативец имаше одлична сезона во која просечно постигнуваше речиси 26 поени и 9 скокови по натпревар. Во исклучително силна конкуренција, крилниот центар на Јута Џез освои 69% од гласовите, пред Шеј Гилгес-Александер од Оклахома и Џејлен Брансон од Њу Јорк.
25-годишниот Марканен ја одигра својата шеста NBA сезона, прва во дресот на тимот од Солт Лејк Сити во која се здоби со статус на “All-Star” играч. Пред да пристигне кај “џезерите” одигра 4 сезони во Чикаго и една сезона во Кливленд. Годинава стана првиот играч во историјата кој успеа да постигне преку 200 тројки и 100 забивања во едно првенство.
Уживајте во најубавите потези од страна на играчот кој најмногу напредуваше сезонава.
NBA FAN
Димитар Младеновски
