NBA колумна на Димитар Младеновски-Керис ЛаВерт сам ги победи Селтикси (ВИДЕО)

592

Во најинтерсениот натпревар од минатата ноќ, тимот на Бруклин Нетс успеа да му нанесе еден од ретките порази на Бостон Селтикс, на нивни терен. Во исклучително неизвесен меч, по дополнителните 5 минути, “мрежичките” извојуваа важна победа во борбата за пласман во плејофот.

Прва виолина на тимот од Њу Јорк беше младиот бек-шутер Керис Лаверт. 25 годишниот поентер буквално ги растури “келтите” во последната четвртина и продолжението. Во тој период од 14 минути кој ги помина во игра, “малиот Кевин Дурент” (како што многумина го нарекуваат) постигна неверојатни 37 поени, а целокупниот тим на Бостон 34. На крајот од мечот зад неговото име останаа запишани 51 поен со одличен процент на шут од игра – 65%.

“Кеј” ја игра најзрелата сезона во својата кратка 4 годишна кариера. Лани како и оваа година сеуште се мачи со повредите, но тоа не го задржува со напорна работа и посветеност да има рапиден напредок во играта, посебно во нападот. Од офанзивен аспект, ЛаВерт е еден од најчистите поентери во Источната Конференција. Интересно што публиката во Бостон, во текот на целиот меч скандираше “Каде е Кајри?” алудирајќи на својот поранешен играч Кајри Ирвин кој сезонава (од најразлични причини) го пропушти најголемиот дел од првенството и нема да игра до крајот на сезоната. Бруклин со третата победа по ред стигна до 6-тото место на Истокот. Којзнае? Можеби навистина Кајри и не е толку потребен?

NBA FAN 

Димитар Младеновски