Македонскиот шампион, МЗТ Скопје доведе четири странски кошаркари во рок од 24 часа.
По пристигнувањето на српско-хрватскиот центарски тандем, односно Душан Танаскович и Марко Бакович, “металците” ја пополнија и бековската позиција. Станува збор за двајца играчи кој се со идентична висина (188 цм.), идентична возраст (24 години) и двајцата се родени во САД.
Седрик Расел доаѓа од српскиот Тамиш а пред тоа има настапувано на два престижни амерички универзитетии, Луизијана и Охајо Стејт. Се работи за брз организатор на играта со солиден шут од далечина.
Од друга страна, Ејасу Уорку има настапувано за хрватски Забок а потоа во нашето првенство бранејќи ги боите на КК Гостивар во натпреварувачката 2021/2022. Ланското првенство го мина во дресот на хрватски Задар каде остави повеќе од солиден впечаток.
Кај “штрковите” освен странските засилувања во составот за престојното првенство се и браќата Стојановски, младиот Андреј Андоновски а договори се потпишаа и со талентираните Марин Петков и Марко Миловановиќ.
Уживајте во најубавите потези од страна на новиот американски бековски тандем во Аеродром.
Димитар Младеновски
