Миа Костова им одржа лекција на оние кои користат фотошоп: „Не бидете накази, ако не си се допаѓате, не се сликајте“

137

Живееме во 21 век, во модерно време, време на изместени вредности, време на социјални мрежи.

„Фејсбук“, „Инстаграм“, „Тик ток“, „Твитер“ се дел од нашето секојдневие. Многу често луѓето објавуваат фотографии претставувајќи се во совршено светло. Луксузни патувања, ручеци, модни парчиња, совршена шминка, фризура…..

Од друга страна пак, девојките користејќи разни апликации и фотошоп, се повеќе наликуваа една на друга. Шминка, фризура, модерно парче облека, соодветна поза….и сликата е подготвена за објава….

Секоја чест за исклучоците!

Македонската екс водителка Миа Костова нема проблем да се покаже во вистинско светло, со сите свои недостатоци и предности.

Имено, пред некое време водителката во кусите приказни објави фотка без фотошоп, онаква каква што е.

„Фино опуштено. И ова и она е Инстаграм, чисто да знаете дека нема потреба да влечете газови и да тесните струкови. Грозно е, за промена најдете си ги убавите ствари на себе и истакнете ги“, напиша Миа.

ФОТО: ПРИНТСКРИН/ИНСТАГРАМ

„Фино наместена без грам фотошоп“, пишува водителката на друга фотографија на која позира исправена пред огледало.

ФОТО: ПРИНТСКРИН/ИНСТАГРАМ

Меѓутоа, деновиве водителката одлучи да се проба по примерот на инфлуенсерките, ѕвездите… односно една нејзина фотографија ја обработи во фотошоп и да провери како изгледа тоа „кога ти не си ти“.

Прво, таа ја објави својата реална фотографија на која е облечена во бикини, а во описот напиша:

„Додека пијам кафе решив да ја исфотошопирам сликава по примерот на многу инфлуенсери, ѕвездички и јавни фаци. Не да се правам паметна туку да ви кажам дека имате сериозен проблем со себе“.

ФОТО: ПРИНТСКРИН/ИНСТАГРАМ

Потоа, Миа на следното „Стори“ ја сподели фотошопираната фотка на која се забележува корекцијата кај струкот, вратот и на лицето.

Во описот на корегираната фотографија таа напиша моќна порака и им одржа лекција на сите кои користитат фотошоп.

„И после ова не ви е незгодно кога ќе ве видат луѓе во маркет или на улица? Не бидете накази, ако не си се свиѓате сликајте  само фаца, ако не ви се свиѓа не се сликајте воопшто“, додава таа во описот на објавата.

ФОТО: ПРИНТСКРИН/ИНСТАГРАМ

Костова доби поддршка од нејзините следбеници.

Вака изгледа со и без фотошоп.

ФОТО: ПРИНТСКРИН/ИНСТАГРАМ

Инаку, не е тајна дека многу јавни личности ги фотошопираат своите фотографии, па на улица дури нема ни да може да ги препознаете.