Од ден во ден се зголемува бројот на играчи кој ја менуваат средината.
Последен во низата на кошаркари кој на почетокот на следното првенство ќе облече нов дрес е францускиот репрезентативец, Матијас Лесорт.
Атински Панатинаикос е новиот тим на крилниот центар кој се наоѓа во најдобрата форма во својата професионална кариера. По освојувањето на ABA лигата и одличната сезона која ја одигра, беше само прашање на време кога најголемите клубови во Европа ќе го ангажираат големиот борец.
За “детелинките” ова е трето засилување во неполни 7 дена. Најпрво го доведоа Костас Антетокунпо (од Фенербахче) а потоа пристигна аргентинскиот репрезентативец, Лука Вилдоза кој ланската сезона ја мина во Црвена Ѕвезда. Тимот ќе го предводи туркиот стручњак Ергин Атаман под чија “палка” се очекуваат уште големи промени и високи резултати.
Во меѓувреме, нивниот најголем ривал, Олимпијакос ги објави своите нови адути. По несреќниот пораз во големото финале, тимот од Пиреја не седеше со скрстени раце. Повратник во тимот е одличниот српски интернационалец Никола Милутинов кој по две години поминати во ЦСКА Москва, се враќа во старата средина.
Нов играч на “црвено-белите” е и довчерашниот бек на актуелниот шампион, Реал Мадрид, Најџел Вилијамс-Гос.
Доколку се има во предвид дека ова е само почеток на преодниот рок а двата грчки клуба имаат сериозно висок буџет, за очекување се нови засилувања кој ќе ги направат сериозни фаворити за Европскиот трон.
Димитар Младеновски