Претседателот на Стеауа од Букурешт, Џиџи Бекали, изјавил дека фудбалерите од неговиот клуб се самите виновни што романскиот великан ќе остане без титула оваа сезона бидејќи пречесто имаат секс.
Стеауа моментално ја зазема четвртата позиција на табелата на романското првенство, а најблизок до титулата е Клуж кој го зазема првото место.
“Моите играчи пречесто имаат секс со своите девојки и затоа не овозможуваат добри натпревари. Погледнете ги, на пример, играчите на Клуж – тие еднаш неделно водат љубов со своите девојки и затоа се први на табелата”, рекол првиот човек на некогашниот шампион на Европа.
Потоа конкретно посочил дека крилниот напаѓач Флоринел Коман би требало малку повеќе да одмара наместо да се “дружи” со својата поубава половина.
“Кога Коман би бил поодморен, сè би било поинаку. Но, тој се занимава со други работи наместо да одмара дома”, порачал Бекали.
А еве и како изгледа неговата девојка Јоана Тимофекијук.
