Американскиот претседател Доналд Трамп и првата дама Меланија се позитивни на вирусот корона, откако неговиот најблизок советник, 31-годишната Хоуп Хикс, исто така е позитивна на корона вирусот. Хикс патувала со него во авионот за првата ТВ претседателска дебата со демократот Џо Бајден во Охајо. Дел од семесјтвото кои биле во авионот не носеле маски, јавуваат американските медиуми.
Трамп на Твитер напиша дека тој и Меланија се позитивни и го почнуваат процесот на карантин. Според главниот доктор во Белата Куќа, засега двајцата се чувствуваат добро.
Трамп има 74 години и влегува во ризичната група, што дополнително ја доведува во прашање и следната ТВ дебата, која е закажана за 15-ти октомври.
