Владата на Црна Гора ја отстрани Македонија од листата држави чиишто кои немаат потреба од државен карантин при влез на црногорско тло. Тоа се должи на зголемувањето на случаите на коронавирус во нашата земја.
„Со епидемиолошка процена и анализа на заболувањето утврдено е дека стапката на активни случаи од 25 на 100.000 жители укажува на ниво на локална трансмисија што претставува прифатлив ризик за непречено движење и престој на граѓаните од тие држави во Црна Гора“, појаснуваат од Институтот за јавно здравство во Подгорица.
Подгоричките медиуми истакнуваат дека Македонија не е повеќе на оваа листа бидејќи споменатата стапка од 25 заболени на 100.000 жители е порасната, особено по бројот потврдени случаи во неделата.
.@ijzcg ažurirao listu država stope aktivnih slučajeva #COVID19 manje od 25 na 100.000 stanovnika što podrazumijeva ulazak u CG bez karantina.
Na listi više nijesu #SjevernaMakedonija i #Irska u kojima je, nakon danas potvrđenih slučajeva, stopa porasla. https://t.co/U79TIbu1Jn pic.twitter.com/Q2xD9l71Do— Vlada Crne Gore (@VladaCG) May 31, 2020
Тоа ќе значи дека секој македонски државјанин кој ќе сака да влезе во Црна Гора, ќе оди во задолжителна 14-дневна изолација.
Само до саботата тоа не беше случај. Покрај Македонија, од листата со претходо 133 земји чии државјани може да влезат во Црна Гора, во неделата вечерта е отстранета и Ирска.
Претходно и Хрватска не дозволи влез за македонски државјани, а истото го најавуваат и некои други земји кои ќе прават „црни листи“ за странските државјани.
