Синоќа се случи фантастичен поентерски дуел во “Мода центар”, Орегон.
Дуелот помеѓу Портланд Трејл Блејзерс и Атланта Хокс го одбелеша “престрелката” помеѓу Треј Јанг и Енферни Сајмонс. Во исклучително неизвесен меч, домаќините ја анулираа предноста во последните минути и успеаа да го одбранат теренот. Конечни 136-131 за “блејзерси”.
All-Star бекот на “јастребите” постигна рекорд во кариерата, 56 поени со седум погодени обиди за три поени. Јанг на својот сјајен поентерски перформанс придодаде и 14 асистенции. На спротивната страна, младиот Енферни Сајмонс постигна 43 поени (од кој девет тројки) и 7 асистенции. Вкупно помеѓу бековите беа постигнати 99 поени што претставува овогодишен рекорд.
NBA FAN
Димитар Младеновски
