Премиерот Зоран Заев денеска на прес конференција посочи дека се попишува целиот наш народ, без разлика дали истиот се наоѓа дома или надвор од државата.
„Не е во ред да ни треба дијаспората кога треба да не гласа, а да не ни треба дијаспората кога ни дава пари, кога треба да ја попишеме, кога помага на домаќинствата… Дијаспората е нашиот народ, денеска е надвор но утре ќе е тука. Може некој од нас утре ќе е надвор, па нашата дијаспора ќе е тука. Тоа е нашиот народ, ние си го попишуваме целиот наш народ без разлика дали е дома или надвор“, посочи премиерот.
Заев вели дека еднакво важни се и граѓаните кои што живеат надвор.
„Од 5-ти до 30 септември е попишување на сите наши граѓани, резиденти и нерезиденти, граѓани што не живеат овде или граѓани што се отселиле и живеат повеќе од една година надвор од државата“, порача Заев
