Елиминација од Атлетико Мадрид идната недела дефинитивно ќе значи отказ за тренерот на Јувентус, Масимилијано Алегри.
Тамошниот весник Кориере дело спорт објави дека дошло до жесток конфликт меѓу него и претседателот на клубот Андреа Ањели. Алегри бил погоден од критиките од раководството по поразот од Атлетико, очекувал поддршка, но не ја добил и сега е во сериозни проблеми. Отказот може да го добие и пред крајот на сезоната иако Јувентус има 16 бода повеќе од Наполи и сигурна титула во Серија А, осма по ред и петта под водство на Алегри.
Познато е дека за него е заинтересиран Реал Мадрид кој го гледа како замена за Солари, но уште ништо не е сигурно.
