Видеото датира од 2016 година во Струмица при показна вежба за јакнење на капацитетите на струмичката полиција. Истото е едно од најгледаните во нашата држава со над 17 милиони прегледи.
Секторот за внатрешни работи Струмица преку показна вежба и практично ги покажа напорите кои ги прави во насока на јакнење на капацитетите. Во рамки на проектот финансиран од Европската унија, полицијата е дел од кампањата за институционална надградба и градење на капацитетите во областа на граничното управување, работата на полицијата со заедницата и борбата против организираниот криминал.
Главни компоненти на проектот се јакнењето на граничната полиција за поголема и ефикасна борба против нелегален шверц со недозволени, трговија со луѓе, фалсификување документи и шверц со моторни возила, потоа за зајакнување на капацитетите за процена на заканите од организиран криминал и соодветни обуки.
Како и борба против финансискиот и комјутерски криминал преку развој на методологии и спроведување обуки за компјутерските форензичари и техники за истражување на компјутерски криминал.
