(ВИДЕО) Гранде Пандев даде 2 гола за јубилејни 100 во Серија А

Името на капитенот на Македонија ќе остане запишано со златни букви во Италија. Историјата е испишана, Горан Пандев влезе во клубот 100, а воедно е и најдобар екс ју стрелец во италијанската лига. Секоја чест мајсторе.

Горан Пандев не престанува да импресионира и тоа истовремено и на клупските и на репрезентативните настапи, а со своите 37 години ја живее втората фудбалска младост како ретко кој меѓу напаѓачите.

Вечерва на мечот против Беневенто му беа доволни само 10 минути за да постигне два гола и да стигне до јубилејната бројка од 100 комада во Серија А.

“Вечниот“ Пандев има постигнато најмногу голови за Лацио (48), па потоа следат Џенова (27), Наполи (19), Интер (5) и Анкона (1).

Беневенто два пати водеше на гостувањето против Џенова, но Горан два пати им одговори во 11-та па во 21-ва минута за 2:2 во првиот дел.

Не се раѓа секој ден ваква легенда. Издржливост, спремност, континуитет, лидерство, харизма, мајсторлук. 20 години топ не го бие во италијанскиот фудбал.