Сè додека некој не измисли временска машина, поголемиот дел од историјата ќе остане мистерија за нас.
епак, благодарение на записите и артефактите можеме да откриеме многу за нашето минато, а некои приказни се толку луди, што ве тераат да се запрашате дали се вистина.
Но бидејќи со текот на времето приказните се менуваат, не би требало да веруваме во сè што ќе слушнеме. Дури ни на историските „факти“.
Во продолжение прочитајте за историските настани што сигурно ви се познати, но што најверојатно не се случиле:
Викинзите не ги смениле имињата на Гренланд и Исланд
Мит
Викинзите ги промениле имињата на Исланд и Гренланд намерно, за странците да се држат понастрана од зелениот Исланд.
Вистина
Се верува дека Надод бил првиот од Нордијците кои стигнале до Исланд. Во 9-тиот век тој ја крстил областа Snaeland (Снежна земја), бидејќи тогаш врнело снег.
За името на Гренланд, најверојатно е одговорен Ерик Црвениот. Тој бил избркан од Исланд поради убиство, па решил да најде ново земјиште што ќе го претвори во империја.
Земјиштето го крстил Grfnland (Гренланд, или Зелена земја), со цел да привлече повеќе луѓе кои ќе се вселат таму.
Тројанскиот коњ не постоел
Мит
После 10-годишната опсада на Троја, Грците сè уште не можеле да го освојат градот. Па, тие направиле голем дрвен коњ, се скриле во него и се преправале дека се подготвуваат за заминување, а коњот го оставиле како подарок.
Кога Тројанците го внеле коњот во градот, Грците излегле, ги отвориле портите и уништиле сè.
Вистина
Според археолошките податоци, градот Троја бил запален. Тројанскиот коњ, пак, најверојатно е само приказна од Хомеровата „Одисеја“.
Големиот пожар во Чикаго не го започнала крава
Мит
Големиот пожар во Чикаго започнал во 1871-ва и траел два дена. Според верувањата, пожарот го започнала крава. Наводно, додека жената позната како Кетрин О’Лери ја молзела кравата, таа удрила фенер кој го започнал пожарот.
Вистина
Кетрин тврдела дека спиела кога започнал пожарот. Исто така изјавила дека никогаш не ја молзела кравата навечер, како што се вели во приказната.
На почетокот никој не ѝ верувал, но подоцна, неколку новинари признале дека ја измислиле приказната.
Во битката кај Термопилите не се бореле само 300 Спартанци
Мит
Само 300 Спартанци го бранеле местото Термопили, од големата персиска армија, во битка која траела 3 дена
Вистина
Иако во битката навистина имало само 300 Спартанци, тие не биле сами. Всушност, биле поддржувани од најмалку 4.000 сојузници. Сè уште имале многу помала војска од Персијците, но ова им ги зголемило шансите за победа.
Луѓето не скокале од прозорците по крахот на Волстрит во 1929-та
Мит
Крахот на Волстрит во 1929-та предизвикал бран од самоубиства. Наводно, луѓето кои изгубиле големи суми пари поради крахот, почнале да скокаат од прозорците.
Вистина
29-ти октомври 19129 е познат и како Црниот четврток. Крахот на берзата предизвика загуба на 30 милијарди долари, а стана и една од причините за Големата депресија.
Сепак, ова не предизвикало самоубиства. Најверојатно, овие гласини потекнуваат од Винстон Черчил, кој видел ако еден германски хемичар скокнал од 16-тиот кат на еден хотел.
Но, смртта на хемичарот се случила пред крахот и нема никаква врска со настанот.
Врз главата на Исак Њутн не паднало јаболко
Мит
Исак Њутн седел под јаболкница, кога врз главата му паднало јаболко. Тогаш ја добил идејата за теоријата за гравитацијата.
Вистина
Јаболката можеби му помогнале на Њутн, но не како во приказната.
Откако Њутн си заминал од Кембриџ, се вратил дома и продолжил да работи на проблемите со кои се занимавал на универзитетот. Тој сметал дека гравитацијата влијае на големи растојанија.
Њутн ги набљудувал јаболката во градината на неговата мајка, но работел неколку години на математиката, за да ја добие крајната формула.
Телото на Волт Дизни не е замрзнато
Мит
Наводно, телото на познатиот Волт Дизни е замрзнато, за кога ќе постои соодветната технологија, тој да може да се врати во живот.
Вистина
Овој мит е побиен од ќерката на Дизни, Дајен. Во реалноста, Дизни бил кремиран.
Нерон не свирел на лира додека Рим горел
Мит
Римскиот император Нерон го запалил Рим и свирел на лира додека градот горел.
Вистина
Иако историчарите сè уште не се сигурни што се случило, голем дел веруваат дека Нерон немал никаква врска со пожарот. Најверојатно, Нерон бил отсутен кога започнал пожарот, а кога ги слушнал вестите, ги отворил неговите градини и им понудил засолниште на луѓето.
Сепак, некои веруваат дека токму тој го подметнал пожарот, бидејќи не му се допаѓал изгледот на градот и сакал да го изгради одново.
Како и да е, едно е сигурно – Нерон не свирел на лира, бидејќи во тој период инструментот не ни постоел.
Покахонтас и Џон Смит немале љубовна приказна
Мит
Доколку ви е гледан анимираниот филм на Дизни, веројатно ја знаете љубовната приказна помеѓу Покахонтас и Џон Смит. Покахонтас била Индијанка, која се вљубила во британецот-колонист Џон Смит.
Вистина
Кога Покахонтас, чие вистинско име било Матоака, го сретнала Смит, таа имала само 11 години. Џон, пак имал 27 години. Тие минувале време заедно, но помеѓу нив немало ништо романтично.
Ајнштајн никогаш немал лоши оценки по математика
Мит
Многумина веруваат дека на Ајнштајн воопшто нему одела математиката на училиште.
Вистина
Ајнштајн бил одличен математичар и веќе на 15-годишна возраст знаел диференцијално и интегрално сметање. Доказ за тоа е и неговото свидетелство.
