Симона Попоска деновиве го снимаше видеото за темата “Ти си моја победа” која е комплетно авторско дело на хит-мејкерот Роберт Билбилов. Рефренот веќе е пуштен во радискиот етер, а официјалната промоција на спотот ќе биде за десетина дена.
Инаку, оваа песна пејачката ја посветува на својот сопруг Крис со кого се венча пред неколку месеци, а освен што и цветаат рози на приватен план може да се пофали и со професионални успеси со оглед на фактот што неодамна дипломираше на Медицинскиот факултет во Скопје, а веќе работи и како докторка во еден познат приватен центар за разубавување и подмладување.
Последно нешто, пак, што слушнавме на музички план беше баладата “Сама”, а тука се и редовните настапи со Ерик Фокс со кого заедно го сочинуваат дуото “Саунд Месинџерс”.
