На 16 октомври се навршуваат 11 години откако поп-ѕвездата Тоше Проески трагично го загуби животот во сообраќајна несреќа кај Нова Градишка во Хрватска. По тој повод, на 13 октомври постхумно ќе биде промовиран албум со нови, досега необјавени песни од Тоше, материјалот ќе го носи името “Secret Place” , а изданието е сработено во студиото на познатиот англиски продуцент Енди Рајт, кој е автор и на претходниот англиски албум на Тоше – “The Hardest Thing”.
Паралелно со материјалот се подготвуваат и три видеа, од кои едното е снимено во Крушево, родното место на Проески.
Инаку, на истиот датум кога ќе биде промовиран албумот во ВИП арената “Борис Трајковски” во Скопје ќе се одржи и концерт во негова чест на кој ќе настапат домашни и балкански музички ѕвезди.
