На денешен ден Чикаго Булс го пречека Торонто Репторс.
“Јунајтед центар”-от беше стандардно исполнет до последното место. Резултатот во ниеден момент не беше доведен во прашање. Чикаго водеше во текот на целиот меч и на крајот победи со 110:98.
Мајкл Џордан беше водечки стрелец со 24 поени за само 30 минути поминати на паркетот. Втор стрелец во составот беше Тони Кукоч со 18 поени а Лук Лонгли постигна 16 поени.
На спротивната страна кај младиот тим од Канада, Дејмон Стадемаер беше водечки со 26 поени и 12 асистенции следен од (тогашниот дебитант) Маркус Кемби кој постигна 23 поени.
Ова претставуваше трета победа по ред за “биковите”, а успеаа да триумфираат и во наредните пет натпревари.
Чикаго, во оваа натпреварувачка сезона повторно беше прво пласиран тим на Истокот со 69 победи и (само) 13 порази.
Во големото финале се судри со Јута Џез и ја освои петата круна во тимската историја.
NBA FAN
Димитар Младеновски
