Спасувачки тимови од Унгарија и Јужна Кореја почнале со извлекување на потонатиот брод од Дунав во Будимпешта.
Како што пренесува “Reuters”, околу мостот Маргит во Будимпешта има огромни кранови, бродови и спасувачи.
Туристичкиот брод потонал на 29-ти мај откако се судрил со голем крузер, а засега е потврдено дека загинале 19 јужнокорејски државјани и еден унгарски член на екипажот.
Уште се трага по осум лица, а седум биле спасени.
Капетанот на крузерот се наоѓа во притвор од 1-ви јуни.
