NBA колумна на Димитар Младеновски-НИКОГАШ не го провоцирајте Michael Jordan (ВИДЕО)

570

За многумина претставува вистинско задоволство да се слушне по некоја нова приказна од 90-тите. Посебно возбудливо за сите NBA фанови е кога таа сторија во главна улога го има најдобриот играч на сите времиња. Isiah J.R. Rider пред некое време го раскажа своето најпредизвикувачко искуство на теренот, вклучувајќи го Michael Jordan (во своите најдобри денови).

Следува сторија за натпреварот меѓу Минесота и Чикаго од сезоната 1995/1996. На истиот меч (тогаш младиот дебитант) Kevin Garnett на него својствен начин пробувал да го измотивира својот лидер – JR коментирајќи (гласно) дека “летачкиот” M.J. (едноставно) не може да го чува по импресивното прво полувреме на Rider. Колку за илустрација, J.R. Rider беше еден од најатрактивните (и најпроблематични) бекови во најсилната лига во Светот, во 90-тите. Поседуваше страотно висок одраз како и страшен офанзивен арсенал. Кога беше доволно мотивиран, а тоа најчесто се случуваше кога на спротивната страна ги имаше најдобрите играчи во NBA, Ј.R. умееше да прикаже повеќе од солидна игра во дефанзивата. Најдобриот забивач од сезоната ’94 и носител на шампионски прстен, оваа ноќ се соочи со (до денес) незаменлива спортска величина.

Исклучително интересно е начинот на кој “ѕверот од Калифорнија” (како што го нарекуваа поради неговата чиста и сурова физичка сила и висок интензитет на енергија на теренот) со огромна почит и понизност, до најситен детал го објаснува ова (горко) искуство. Вистинско задоволство е да се слушне ваква сторија во која се дава респект на најголемиот кој стапнал на теренот. Во прилог следува видео во кое на лик и дело се претставува величината и умешноста на најголемиот кошаркар на сите времиња. Уживајте…

NBA FAN 

Димитар Младеновски